Annabi Muusa
Pulaar – Français
Annabi
MUUSAA
e
Fira’aawna
Ɓiɓɓe Yaaquuba biyeteeɗo kadi Isra’iila, yahdunooɓe e mum Misira, gooto heen fof e ɓesngu mum nani: Ruuben, Simeyon, Lewi, Yuda, lsakar, Sabulon, Beñamen, Dan, Neftali, Gad, Aser. Gooto heen fof ardunoo ko e galle mum. Yimɓe umminooɓe e Yaaquuba fof ngonnoo ko capanɗe njeeɗiɗo, tawi Yuusufa ɓiyiiko goɗɗo oo wonnoo ko Misira. Yuusufa maayi, kañum e mawniraaɓe mum e miñum e yimɓe oon jamaanu fof. lsra’iila’en njeeñi, keewi. Aɓe ɓeydoo heewde, aɓe ɓeydoo alɗude. Ɓe kebbini leydi ndii fof. Misira dañii laamɗo goɗɗo mo anndaano Yuusufa.
O wii yimɓe makko:
“Ko Isra’iila’en ngoni leñol ɓurngol heewde, ɓurngol alɗude e men. Ndaarten feere no eɗen kaɗira ɓe yeeñde; kaɗen ɓe ɓeydaade, mbele so tawii konu dawii, woto ɓe njantoyde e añɓe men, ɓe kaɓa e men, ɓe njalta leydi ndi. Mawɓe liggeyaaji pawaa e dow maɓɓe, ina liggina ɓe alaa e sago, mbele ina tampinira ɓe liggeyaaji muusɗi.”