Doomburu
Wonnoo ɗoo ko doomburu, wooturu endu wonnoo e nder ladde Alla yoolombere e nder ngaska mayru. Kono e on sahaa ndu weldaano e gorko mayru.
Hakkunde maɓɓe ko fitina e kala sahaa ko pooɗee nduuree wonnata
Gite mayru ɓaleeje ɗiɗi ɗee kala ina ndeenatnoo baŋŋeeji mayru kala.
Endu dogatnoo e hakkunde leɗɗe ɗiɗi cewɗe. Endu yahatnoo nder ladde e baŋŋeeji ɗii kala, ndu yaha to sehelaaɓe mayru.
Ɗi ngona e fijde jamma e ñalawma, ñaamdu majji maŋkaani e kala sahaa, haa ndu woni doombal mawngal, endu wondunoo e doomburu woɗndu nduun ina sewnoo, endu heewi ceweeram hakkunde maɓɓe.
Ñande wootere doomburu nduu darorii koyɗe ɗiɗi ndu waɗi kereŋ ƴooli haa ndu fortii ndu toowi. Ndu wi’ ƴeewee, “Hol ko nji’ɗon?” Ko ndu holliraɗnoo, woni ko njuuteendi mayru.
Ndu dartii laawol goɗngol ndu miijii, ko faati e afeere mayru, ndu wi’, “Miin e njuuteeki am. No njuutir mi nii, goonga tigi miɗo waawi wonde laamɗo mbardi ladde kala, haa mi yi’a laamɗo ladde ndee.”
Ndu woni e wasaade, endu ndaara mbeelu mayru, endu miijoo e nder ɓernde mayru, endu wi’a,
“Miin, miɗo juuti.” Ndu dogi, ndu rewi ɗoon e lappel tokosel, endu hollira hoore mayru.
Endu miijoo e nder hoore mayru, endu wi’a, “Ee so tawii neɗɗo ina aratnoo jooni, maa o haawe no mbaymi nii.”
Ɗoon e ɗoon tan ndu hawri e wojere.
Doomburu nduu wi’, “Ee ceerno bojel, ko miin woni laamɗo mbardi kulle ladde kala.”
Bojel ngel heɓɓitii wi’, “A yi’ii laamɗo oo.”
Ndeen bojel jali, ngel jali no feewi. Bojel ngel heɓɓitii wi’, “Alaa ko a hoore maaɗa. Miin miɗo doga mi yaha e haajuuji am, kadi paam aa miɗo heewi haajuuji.”
Doomburu nduu haawtii, ndu miijii e hoore mayru; ndu wi’, “Jooni geɗal ɓeydiima e am.” Ndu jokki laawol mayru, haa yeeso, ndu darni hoore dow, ndu toowni hoore mayru.
Doomburu nduu nani dillere dow mayru, ndu ɓamti hoore ndu hooynii dow, ndu ndaari dow, nde ndu ndaari dow ndee, ndu yi’ waandu woɗeeru, ko barogel ladde dey!
Waandu woɗeeru nduu naamnii doomburu nduu wi’, “Eywa, doomburu hol to njahataa?”
Doomburu nduu wi’, “A jaaraama. Miin miɗo yaha ƴeewoyde no laamu am wa’i. Ko miin woni laamɗo keso mbo kulle ladde ɗee kala.”
Waandu woɗeeru nduu jali haa ndu roŋki jaabaade e haalde. Caggal ɗuum ndu wi’, “Mbi’ee doomburu yoo ƴeew minne miɗo fija, miɗo fija dow e hakkunde leɗɗe. Goonga aɗa weeltina hoore maaɗa, so a tampii fijde, ngaaraa gaay pij den, ɗoo e sara am, eɗen ndiwa eɗen naŋtoo e calɗi leɗɗe, ɗum koy wonii kaaɗdi jaleeɗe.” Doomburu nduu finni.
Ndu wi’, “Ɗum wonaa yeewtere, ko goonga tigi. Ko miin woni laamɗo kulle ladde kala.”
Nde doomburu nduu yahatnoo ndee woodi ko ngu ŋormii daande les.
Ndu finni ndu wi’ “Mbaroodi nana ara.” Mbaroodi ndii woyi wi’, “Giir giir r.”
Ɗuum fof dey doomburu nduu hulaani, ndu majnaani hay yitere.
Doomburu nduu darorii koyɗe mayru, ndu waɗi kereŋ ƴooli haa ndu toowi, ndu wi’, “Denndaangal kulleɗee ko miin woni laamɗo majje.” Mbaroodi kadi woyi laawol goɗngol, wi’, “Ɗum koy ko kaawisa. A yi’ doomburu e wonde puuyɗo.”
Mbaroodi ndii wi’, “Ɓamtu hoore maaɗa nji’aa ñande wootere. Mbardi ladde hoolaaki haala maaɗa. Kulle ladde ɗee fof mbaɗtaani e maa hakkillaaji.”
Seeɗa ndu waasa jikke mayru, kono nde ndu hawroyi e oon sahaa e ñiiwa mawba nayeewa e laawol, oon sahaa kadi ndu hutii hoore mayru, kono ndu haaldi e ñiiwa baa, kono e oon sahaa daande mayru ina deɗ deɗna endu siñña Alla e kulol e manngu ñiiwa baa.
Kono kadi ndu dartii e koyɗe mayru ndu waɗi kereŋƴooli e mbaawka mayru. Ndu wi’, “Ñiiwa maa anndu ko miin woni laamɗo kulle ladde ɗee fof.
Ñiiwa baa heɓɓitii wi’, “H…m…m…m.” Ba jali doomburu nduu.
Ñiiwa baa wi’, Mi meeɗaa yi’de hono maa doomburu e fuuyde tawo. Maa mi holle ɗoo huunde wootere.”
Ñiiwa baa suuti koyngal mabba mawngal haa dow, ba waɗi ngal e leydi wirip. Doomburu majjiti e nder punndi; ndu hoddiri e nder ɓernde mayru ndu wontaa mawninde hoore mayru kaaddi nguurndam mayru.
Mawngu woodanaani doomburu abada.
Sukaaɓe tokoosɓe heewɓe e boomi ina limta ko’e mum’en e mawɓe, haa ɓe mbaɗta ko’e mum’en tigi mawɓe.
Sukaaɓe heewɓe ina miijoo, njanngii ko ɓooyi e juuɗe jinnaaɓe maɓɓe e yi’de maɓɓe ɓe ngonii yimɓe mawɓe. Haaju mum’en alaa e hay huunde. Hay mawɓe woɗɓe ina mbi’a; ƴeew, miin mi heɓat kaalis keewɗo e barke am. Ɓe teddinaani Alla. Hono ɓeen fof Alla ina ƴeewa ɗum’en, ɗuum ɗoon noon ko e bakkaat jeyaa.
Joomiraaɗo oo ina añi paarnagol. Mawnikinaare e yiɗde hollikinaade e baɗaate bonɗe e fenaande fof welaani Alla.
So tawii mawnikinaare ko bakkaat. Mawnikinaare ina e ɓerɗe sukaaɓe. Ɓernde neɗɗo moƴƴaani.
Bakkaat ina seernda en e Alla.
So en ƴeewtaaki bakkatuuji men, so en ñaagaaki Alla, mbela ina yaafoo bakkatuuji men, rimɗina en, njoɓdi bakkaat ko maayde.
Wonaa maayde neɗɗo noon, so tawii ko maayde noon, ko seerndu en e Alla haa abada wi’aa.
Kulle ladde fof njalii doomburu no ndu wa’i nih. Joomiraaɗo ne ina jala ɓeen mawnikiniiɓe no ɓe mba’i nih.
Jabuura sura 2 aaya 4 wi’, “Joomiraaɗo jooɗiiɗo dow asamaanuuji maa o jal.
Maa o yoɓɓe e golle maɓɓe wondude e baɗaate maɓɓe.”
Iisaa Joomiraaɗo nani dow Asamaanuuji sara Joomiraaɗo jooni. E dow sabaabu yiɗde makko, o arii e leydi haa o soodtanoo’en bakkatuuji men. O anndii en mbaawaa heɓde yottaade Joomiraaɗo haa njooɗo ɗen sara makko tawa ɓerɗe men ina tunwi. Yimɓe peŋirii mo leɗɗe. O leeptaama sabaabunde bakkatuuji men.
Kono o ummitinaama. Omo wuuri jooni.
Joomiraaɗo yiɗaa mbaɗ en ɓerɗe bonɗe.
Omo yiɗi yaafaade bakkatuuji men.
Baawɗe ngoodanii Joomiraaɗo halkude en, hono no ñiiwa baa halkiri doomburu nduu nih.
Feccere e Linnjiila wiyetee Piyeer ɗiɗaɓo sura 3 aaya 9 wi’, “Kono omo muñi sabaabunde makko. O yiɗaa hay gooto halkoo, o yiɗi ko gooto fof mimsita bakkatuuji mum tuuba.”
Ngannden mawnikinaare ina bonnaɓernde neɗɗo. Hono ɓeen ɓe ɗum woni e ɓerɗe mum’en. Hono ɗeen ɓerɗe keɓataa Joomiraaɗo Iisaa, o halka en. Sago Alla ko ɗum ɗoo, mimsaa ceertaa e bakkatuuji, kalfinaa hoore maa Iisaa.
Iisaa wi’, “Miin maa mi rokkuɓe nguurndam haa abada, ɓe kalkotaako haa abada. Hay gooto waawaa heɓtude ɓe e junngo am.” Tawaama e Linnjiila feccere Yuhanna, sura10 aaya 28.
Waajto hoore maaɗa jooni ngooŋɗinaa Iisaa.
